Magbasa ng Bibliya Araw-Araw

Ikalabinsiyam na Araw: Si Jose at ang Kanyang mga Kapatid (Genesis 35- 37)

Dumami nga ng husto ang lahi ni Jacob at Esau. Lumalim ang inggit ng mga kapatid ni Jose kaya tinangka nila itong patayin, ngunit dahil hindi sila makikinabang dito, ipinasya nilang ipagbili nalamang ito sa mga mangangalakal.

Ikalabinwalong Araw: Nakipagkasundo si Jacob kay Esau (Genesis 32-34)

Umuwi na ng kanyang sambahayan si Jacob kasama ng kanyang mga asawa at mga anak. Muling nagkita ang magkapatid na Jacob at Esau at napalitan ng tuwa ang takot na nasa puso ni Jacob.

Ikalabinpitong Araw: Si Jacob, Raquel at Lea (Genesis 29-31)

Parami na ng parami ang lahi ni Jacob, matapos niyang makasiping sina Lea, Raquel at kanilang mga alipin. Nakipagkasundo naman si Jacob kay Laban at siya'y naglingkod dito tsaka bumalik sa lupain ng kanyang mga magulang.

Ikalabinganim na Araw: Nakuha ni Jacob ang Pagpapala (Genesis 26-28)

Nalinlang ni Jacob ang kanyang ama kaya naigawad sa kanya ang pagpapalang dapat sana'y sa kanyang kapatid na si Esau. Dahil sa banta ng paghihiganti, nagpakalayo-layo muna si Jacob sa kanyang kapatid.

Ikalabinlimang Araw: Si Isaac at si Rebeca (Genesis 24-25)

Dumating na ang panahon na kung saan pumili na ng mapapangasawa si Isaac at ang kanyang napili't ibinigay ng Diyos ay si Rebeca. Tunay ngang dumami pa ang lahi ni Abraham at patuloy pa itong lumaganap sa sanglibutan.

Ikalabingapat na Araw: Sinubok ni Yahweh si Abraham (Genesis 21-23)

Isinilang na ang pangakong sanggol ng Diyos sa mag-asawang sina Abraham at Sara. Nais namang subukin ni Yahweh kung mananatiling tapat si Abraham sa kanya sa pamamagitan ng pag-aalay nito sa kanyang anak na si Isaac.

Ikalabintatlong Araw: Si Abraham at Sara at ang Pagwasak sa Sodoma at Gomora (Genesis 17-20)

Pinagtibay ng Panginoon ang kanyang pakikipagtipan kay Abram. Mula sa pagpapalit nito ng kanilang pangalang mag-asawa at ang tanda ng pagtutuli sa lahat ng kanyang magiging lahi at kasambahay. Samantala, ipanakilala ni Yahweh na siya ay isang maawain na Diyos sa kanyang pakikipagpalitan ng mensahe kay Abraham kung wawasakin niya ang Sodoma at Gomora kung may natitirang matuwid na tao.

Ikalabindalawang Araw: Ang Pakikipagtipan ng Diyos Kay Abram (Genesis 12- 16)

Tinawag ng Panginoon si Abram at pinagpala. Ipinangako ng Diyos na siya ay ang magiging ama ng napakaraming henerasyon at ang angkan niya na magiging sindami ng mga bituin sa langit. Si Yahweh ay nakipagtipan kay Abram at nangako ng pagpapala.

Ikalabingisang Araw: Nagsisi si Job sa Kanyang mga Nasabi (Job 38-42)

Pinagsisihan ni Job ang lahat niyang sinabi at naging malinaw sa kanya ang dunong ng Diyos. Pagkatapos ng pagsasalita ng Panginoon at pagtatanong sa kanya, mapagkubabang inamin ni Job ang kanyang pagkakamali. Pinatawad siya ng Diyos at biniyayaang muli.

Ikasampung Araw: Ang Karunungan ng Diyos (Job 32-37)

Hindi na nakatiis ang isang batang nakikinig at siya'y nakapagsalita ukol sa karunungan ng Panginoon na hindi lubusang matalos ng kaisipan nino man. Ipinaliwanag niya ang dakilang disenyo ng Diyos sa sangnilikha at ang dunong ng bawat galaw ng bagay sa daigdig. Ito ay laban sa mababaw na mga salita ni Job ukol sa kanyang sariling karunungan.